شعر جميل وحلو قوى

وانا واقف على باب الـــــــحاره
باشرب شاى وف ايدى سيجاره
لابس كاجــــــــول فيرى نيولوك
وعنيا عليها النــــــــــــــضاره
واقف اشاكل خلق الــــــــــــــله
وبعاكس بنت بصــــــــــــــفاره
ضحكت ضحــــــــكه تهز قلوب
انا قلت اهى غمزت ســــــناره
والله يازهره انا دايـــــب فيكى
اسمك ايه ؟ انا اسـمى سماره
فجأه لقيته جــــــــــــاى عليا
شخص طويل وكأنه عمــــاره
قالى بتعمل ايه يا عنـــــــــيا
فاكر ان دى يا ابنى شــطاره
قلت له دخلك ايه يا زمـــــــيل
قال لى دى اختى وادى اماره
ايده بقت فى الجو بتـــــهوى
قابلت راسى كأنـــــــها غاره
راح الكاجــــــــول والنيولوك
وكمان كســـــــر لى النضاره
وقال لى انا هشرب من دمك
وهقطر منــــــــــــه بقطاره
وهاقطع من لــــــحمك كفته
وهفرق على اهل الــــحاره
الدنيا يا صاحبى دارت بــيا
حوشنى ياعم حوشى يا جاره
والناس كلها ضحكوا علـــيا
وسابوه يضربنــــى بنشاره
فكرت بسرعه ولقيـــــــتنى
بجرى صاروخ وكمان طياره
ومن يومها حلفت انا بــربى
امشى فى حـــالى بكل جداره
ولا اشاكل ناس وابعد عنهم
ولا اعاكـــــس بنت بصفاره
واغير من كل طــــــــباعى
لا اشرب شاى ولاحتى سيجاره
كلمة اخيره بقلــــــــها بغيره
الدنيا يا صاحبى دى غداره
مهما هتعمل فــــيها يا خال
راح ترجع وعــــليك دواره
تاخد منك حــــــــــق الغير
وتسيبك لو حــــوش جبارة

ولا انت وهو دة شعر بس
يعنى ملقيش حد بيستزرف ويقولى
انت كتبتو من واقع حاجة
حصلتلك هقولة لالالالالالالالا

دا انا صايع

سمارة بقا هو اللى اترقع
مش انا وبعدين انا قولت

انا صايع

انتا مسحت تعليقي من غير ما تقولي يا اسلام طيب ابقا تف في وشي لو حطتلك حاجه بعد كده

معلش يا لولو بس انت
متعرفش اخر الاخبار
اليوم اللى انت كاتبة دة بقا احسن
يوم فى حياتى
وانا مساحتو عشان الاعضاء الجدد اللى انت نشاطهم وعشان كمان فى زمايلى بيخشو وانا مش عايزهم يعرفو
تانى مرة انا اسف يا لولو

وبعدين يا ريس انت تكتب ماتكتبش دى حاجة
ترجعلك انت يعنى انت لو شايف الحاجة حلوة اكتب شايفها وحشة
ماتكتبش معنى كدة ان احنا كنا بنكتب مجاملة يعنى ولا اية!!!!!!!!!!!!
وبعدين يا باش مهندس وليد دا انت لو كتبت دى حاجة تفرحنى وتشرفنى
لو مكتبتش يعنى عادى اية اللى هيحصل دا مش تقليل على فكرة
وفى الاخر برضو انت حبيبى واخويا وعم عيالى

لا تصدق اتثبت

طيب يا ريس ما انت شيلت التعليق بتاعى اهو
ولا هكلام اهو بس ادينى سبب
ومع ذالك انا هكتب برضو فى اى موضع تحتو ويعجبنى
بس وحيات ابوك ادينى سبب عشان تشيل التعليق