يا شعب يا حبيبى
[ندعوك للتسجيل في المنتدى أو التعريف بنفسك لمعاينة هذا الرابط]يا روحى يا بيبى
يا حاطك فى جيبى
يا شعب يا شاطر
يا جايب الخواطر
يا شعب يا اللى نايم وسارح وهايم
وفى الفقر عايم
احبك محشش
مفرفش مطنش
ودايخ مدروخ واخر انبساط
واحب اللى شايف وعارف وخايف
وبالع لسانة وكاتم ما قال
احب اللى قافل عيون المغفل
واحب البهايم واحب البغال
واحب اللى فاضى
واحب اللى راضى
واحب اللى عايز يربى العيال
واحبك تسافر وتبعد تهاجر
وتبعت فلوسك دينار او ريال
واحبك تهلل تهبل تتطبل
واحبك توافق تنافق واحبك تؤيد تمجد
توافق تنافق وتلحس نعال
لكن لو تفكر تقرر وتبدا تشاكل
وتسال سؤال
وعايز تتطور وعايز تنور وتعملى روحك مفرد رجال
ساعتها هجيبك لا يمكن اسيبك
وراح تبقى عبرة وتصبح مثال
وهبهدل جنابك واذل اللى جابك
وهيكون عذابك فوق الاحتمال
واهزق سعاتك وابهدل سياتك
وتلبس قضية وتصبح رازبة
وباقى حياتك تعيش فى العذاب
هتقبل احبك
هترفض البك
