Shebo0o0o0o
Abo 3la2
عدد المساهمات : 300
نقاط زودني شكرا : 614
تاريخ التسجيل : 27/03/2011
العمر : 32
 | | موضوع: رساله من بنت إلى الولد الذي تركها !!! الأربعاء يوليو 13, 2011 5:37 am | |
|
[ندعوك للتسجيل في المنتدى أو التعريف بنفسك لمعاينة هذا الرابط]
لو فاكر نفسك تعرفنى
اكمنك عيشت معايا يومين
تبقى إنت عبيط
أنا بنت بتضحك م الصدمة
و تعيط من كتر التهييس
و ف وقت الجد مبتهزرش
ف دولابى هتلقى أحلام ياما
كانت شبهى ودلوقتى خلاص أنا مشبهاش
و ورا التسريحة كمان شنطة
مليانة لعينها ورق و كلام
أسئلة فارغة و لا ليها حلول
شوف بقى هطلع كام حدوتة !؟
ما أنا بنت بمية و ستين وش
بس متزعلش
كالعادة هصالحك بحكاية
و إنت و لا بتعرف تصالحنى
مع إن أنا دايماً مش عايزة
من قلبك
غير كلمة معلِش
بس إنت تقول
**
لو فاكر إن انا حدوتة
عارف أولها و آخرها
علشان بحكيلك عنى ساعات
تبقى إنت غشيم
أنا كوم حواديت ف كتاب مقفول
هقرالك منه يدوب صفحة
اكمنه كبير
ده كتاب مسحور
مفيهوش و لا حدوتة بتكمل
كل النهايات هنا مفتوحة
على برّة بعيد
علشان لو خوفت
و جيت تهرب
تخرج على طول
**
لو فاكر حتى و لو ناسى
إن إنت خلاص أهلى و ناسى
علشان قولنا لبعضينا كلام
تبقى إنت حمار
ده كلام تفاريح على تضييع وقت
أنا خايفة عليك
و إن عايز فعلاً توصلّى
خليّك دوغرى
و حاسب م الغول
أنا ساكنة ف بيت مفروش ألغام
موجود على ناصية ف مغارة
و لا يمكن أقولك بسذاجة على كلمة سر
دوّر مع نفسك ع المفتاح
و إن حالفك حظك و لقيته
فَـكّر ياما قبل ما تدخل
علشان لو مرة فتحت الباب
يبقى إنت كده و بس المسئول
| |
|
eslam_esoo15
Abo 3la2
عدد المساهمات : 175
نقاط زودني شكرا : 222
تاريخ التسجيل : 27/03/2011
العمر : 31
| | موضوع: رد: رساله من بنت إلى الولد الذي تركها !!! الأربعاء يوليو 13, 2011 6:16 am | |
| دى طلعت عيونو بشوية الكلام دول والهى الكلام جامد اوى استمر يا شيبو استمر  | |
|
